Ағымдағы жылдың бірінші тоқсанында Өскемен су қоймасына рипустың шабақтары жіберілген болатын.

Жыл көлемінде аймақтың өзендеріне, су қоймалары мен көлдеріне үш миллионға жуық тұщы су фаунасының өкілдерін жіберу жоспарланып отыр.

-2018 жылдың бірінші тоқсанында Өскемен су қоймасын балықтандыру жұмыстары жүргізіліп қойды, - деді ШҚО орман шаруашылығы және жануарлар дүниесі аумақтық инспекциясы басшысының орынбасары Санақбек Кітапбаев. - «ШығысУниверсал» ЖШС мамандары суға миллион рипус шабағын жіберді.

Бір жылдың ішінде атқарушы органдар балық ресурстарының жаңартылуына 8 миллион теңге жұмсамақ.