ШҚО-да браконьер балықшылар құрықталуда
Ағымдағы жылдың бірінші тоқсанында заңсыз балық аулау бойынша 304 факті тіркелген.
ШҚО орман шаруашылығы және жануарлар дүниесі аумақтық инспекциясының мәліметі бойынша, 284 адамға жалпы сомасы 3 млн теңге көлемінде айыппұл салынған. Шамамен жеті тонна заңсыз ауланған балық тәркіленді. Табиғатқа келтірілген шығын мөлшері 383 мың теңгені құрайды деп бағаланып отыр. Осы жағдайлар бойынша бес қылмыстық іс қозғалыпты.
-2018 жылға ҚР Ауыл шаруашылығы министрлігімен ШҚО-ның су қоймаларынан балықты 6600 тонна көлемінде аулауға лимит бекітілді. 15 сәуірден бастап 408 тонна ауланып қойған. Ал бюджетке түскен түсім 15 млн теңгені құрады, - дейді инпеция басшысының орынбасары Санақбек Кітапбаев.