Өскемендегі Протозанов көшесінің бойында электр желілерін ауыстырған мекеме жөндеу жұмыстарынан кейін шұңқырды қайта жаппаған, ашық-шашық сымдар ауладағы ойын балалары үшін үлкен қауіп төндіріп тұр, деп хабарлайды Алтайньюс.

Электр желілерін жөндеу жұмыстарын ШҚ АЭК қызметкерлері жүргізген.

№31 үйдің тұрғындарының айтуынша, аулада ойнап жүрген балалар түбінде электр кабелдері ашық  жатқан шұңқырға құлап кетуі мүмкін.  Тұрғындар бұл жердің сәуір айынан бастап, жабылмай жатқанын да жеткізді.

Осы мәселе бойынша ШҚ АЭК баспасөз хатшысы Алексей Проскуряков бүгін түстен кейін ауладағы қауіпті шұңқырдың жабылатынын айтты.