Ауданның білім саласында өзінің біліктілігімен, дарынымен республикалық, халықаралық сайыстарда алдыңғы қатардан көрініп келе жатқан жас өркендер аз емес. Биыл солардың қатарына тағы бір жас талант келіп қосылды. Ақши орта мектебінің 9 сынып оқушысы Қаукен Нұркен аталмыш оқу орнының үздік оқушысы. Ол жыл сайын өткізілетін аудандық, облыстық, республикалық байқаулар мен семинарлардың жеңімпазы болып келе жатқан жас.

Таяуда Ақши орта мектебінің 9 сынып оқушысы Қаукен Нұркен Ресей Федерациясының Санкт-Петербург қаласында өткен Халықаралық «Science Travel» жобасына қатысып, «Ленинград Ұлы Отан соғысы жылдарында» атты жобаны қорғап, Халықаралық сертификатпен марапатталды. Сондай-ақ, тарих пәнінен өткен олимпиадаға қатысып, III дәрежелі Дипломға ие болды.

- Ақши орта мектебінің 9 сынып оқушысы Қаукен Нұркеннің бұл жеңісі тек оның ғана емес, жалпы осындағы ұстаздардың қол жеткізген табысы деуге болады,-дейді тарих пәнінің мұғалімі  Қ.Оразбеков.