Юлия Галышеваның анасын құттықтады
Облыстық денешынықтыру және спорт басқармасының басшысы Асқар Можанов Пхенчханда өтіп жатқан қысқы Олимпиада ойындарының қола жүлдегері Юлия Галышеваның анасы Светлана Галышеваны құттықтады.
Басқарма басшысы атап өткендей, төрт жылдықтың басты додасында Юлия Шығыс Қазақстанның отандық қысқы спорттың отаны әрі шеберханасы екенін тағы бір мәрте дәлелдей білді.
– Сізді аймақ басшылығы, сондай-ақ денешынықтыру және спорт басқармасы атынан қызыңыздың Олимпиада ойындарында қола медаль иеленуімен шын жүректен құттықтаймын. Бұл тек біздің облыс үшін ғана емес, күллі Қазақстан үшін айтулы жеңіс болғаны сөзсіз, – деді басқарма басшысы.
Айта кетейік, фристайлдың могул түрінен өнер көрсететін 25 жастағы Юлия Галышева Оңтүстік Кореядағы дүбірлі додада Қазақстан құрамасының қоржынына алғашқы жүлде салды.
– Барлығымыз Юлияға жанкүйерлік еттік. Енді еліміздің намысын қорғап жатқан өзге спортшыларға да тілеулес боламыз. Спортшымызға қолдау танытқаны үшін аймақ басшылығына ерекше алғыс айтқым келеді, – деді Светлана Галышева.
Оқи отырыңыз
Юлия ГАЛЫШЕВА: «Пхенчханда да бүгінгідей толқыған жоқпын»ШҚО спорты: Жыл оқиғасы, сенсация, сәтсіздіктер және жалпы шолуАяулым ӘМІРЕНОВА, фристайлшы: – Қазақ елін жеңістеріммен қуантқым келедіДаниал Ахметов: "Волейболдан Әлем чемпионатын да өткізуге дайынбыз"Қазақстанда Әлем чемпионаты өтеді. Галышеваны қуантқан жаңалық