Қаңтар айының 18-інен 19-ына қараған түні Семей халқының православтары Крещения Господне атты шіркеу мерекесіне орай суық суға түсіп, бір серпілді.

Тұрғындар екі жерде суға түсті. Бірі Ертіс өзенінің Затон аумағы, екіншісі Қасиетті бастау деп аталатын жер. Қалалық ТЖ басқармасының мамандары адамдар суға кетіп қалмас үшін, дәрігерлермен бірге кезекшілік ұйымдастырды. Суға шомылып шыққандар дереу жылы киініп, ыстық шәй ішті. Бір тәуліктің ішінде 1500 адам суға сүңгіді. Сағат түнгі 23.00 кезінде суға сүңгушілердің саны күрт өсті. Жағдай қазір бірқалыпты, халық мерекелеуін жалғастыруда.