Үржар ауылындағы Абылай хан, Қабанбай, Абай, Сейфуллин көшелеріне электрүнемдегіш шамдар орнатылды. Энергия көздерін тиімді үнемдеу мақсатында қолға алынған бұл жұмыс алдағы уақытта жалғасын таппақ.

Аудандық сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімі басшысының міндетін атқарушы Серік Тілемесовтің айтуынша, бұл шамдар қуат көзін бірнеше пайызға дейін үнемдеуге мүмкіндік береді.

– Энергия үнемдейтін шамдарды 5-10 жылға дейін қолдана аласыз. Бұл біз үшін экономикалық жағынан өте тиімді әдіс. Ал күнделікті өмірде қолданып жүрген шамдардың электр энергиясының 90 пайызы вольфрам сымдарын қыздыруға, яғни жылытуға кетеді,- дейді Серік Тілемесов.