Семейдің іргесіндегі Ново-Баженово ауылында трактордың тіркемесіне тиелген шөптен шыққан өрттің салдарынан 10 гектар жер өртенді.

Қызыл жалынды байқаған тракторшы тіркемені ағытып, қауіпсіз қашықтыққа апарғанымен қатты соққан жел от ұшқынын дала мен орман алқабына жайды. Келіп жеткен өрт сөндірушілер екіге бөлініп, біреулері тіркемедегі өртті сөндірсе, қалғандары даланы жалмаған тілсіз жаумен күресті. Құрғап тұрған шөп дереу тұтанып, өрт он гектар жерді жалмады. Өртке қарсы қызмет мамандарының шұғыл іс-қимылдарының нәтижесінде тілсіз жауды ауыздықталды.