Шығысқазақстандықтарға Астана мен Алматының білікті дәрігерлеріне қаралу мүмкіндігі туып тұр. 15-24 мамыр аралығында облысқа еліміздің басты екі шаһарында орналасқан ғылыми зерттеу институттарының мамандары келіп, науқастарды қабылдайды.

15-17 мамыр аралығында Ұлттық нейрохиругия орталығының мамандары Өскемен қаласындағы №1 қалалық ауруханада тәжірибе алмасады.

18-20 мамырда травмотология және ортопедия ғылыми зерттеу институтының қызметкерлері облыстық ауруханада шеберлік сыныптарын жүргізеді және жоғары технологиялы операциялар жасайды деп жоспарланған.

22-23мамырда А.Сызғанов атындағы Ұлттық ғылыми хирургия орталығынан екі маман – жалпы хирург және қан тамыры хирургі келеді деп күтілуде. Алматылық дәрігерлер келушілерді диагностикалық орталықта қабылдайды.

Ұйымдастырушылардың түсіндіруінше, институт мамандарының қабылдауына жолдаманы жергілікті терапевт дәрігерден алу қажет.

Кәмәл Естай