14 қаңтар күні сағат 17:00-де Темір жол вокзалына «Астана – Өскемен» поездымен Әлем чемпионатында қола жүлдеге ие болған Қазақстан құрама командасының ойыншылары келеді.
Құрама командаға енген 12 өскемендік ойыншы 7-11 қаңтар аралығында Австрияның Шпитталь-ан-дер-Драу қаласында өткен хоккейден әлем чемпионатында ел намысын қорғаған. Ал отандық команданың бас бапкері Ирина Могильникова «Топредо» командасынан шыққан ойыншы.
Айта кетсек, 7-11 қаңтар аралығында Австрияның Шпитталь-ан-дер-Драу қаласында өткен сайыста Қазақстан құрама командасы Румыния, Қытай, Австрия, Ұлыбритания құрама командаларымен сыңға түсіп, үш кездесуде жеңіске жетті.
