Шығыс Қазақстан облысында Жеңістің 70 жылдығына орай, "Туған жерге тағзым" акциясы аясында Ұлы Отан соғысының ардагері Бимурзин Жұмабек Нұржауұлының əулеті Аягөз ауданының орталық ауруханасына жедел жəрдем көлігін сыйға тартты.


Бимурзин Жұмабек Нұржауұлы Семей облысы Шұбартау ауданында дүниге келген. Орта мектеп бітірген соң 1939 жылы Алматы қаласындағы медицина институтына оқуға түскен. Сұрапыл соғыс жылдары заман талабына сай қысқа мерзімде тамамдап, 1942 жылы қан майданға аттанды, 23 гвардиялық атқыштар дивизиясының 63 гвардиялық атқыштар полкінің медициналық ротасының командирі,әскери дәрігер капитан шені Отан алдындағы борышын өтеді. Жұмабек Нұржаулы 1944 жылы 21 маусымда Ржев бағытындағы шайқаста блиндажға тікелей түскен снарядтан қаза болды.