Өскемен қаласында автобустың ішінде құлап қалған 88 жастағы қария жамбас сынығымен ауруханаға түсті. Автобустың жүргізушісі іздестірілуде , деп хабарлайды Аltaynews.kz тілшісі облыстық жол полициясы басқармасының ақпаратына жүгініп.
«17 сағат 30 минутта жедел басқару орталығына 88 жастағы қарияның автобус ішінде құлап қалғаны туралы хабар түсті. Жамбасы сынған зейнеткер ауруғана жеткізілді. Қазір осы жол-көлік апатына қатысты жедел іздестіру жұмыстары жүріп жатыр. Қарияның Абай даңғылының бойында, №1 қалалық аурухананың маңында келе жатқанда көлікте құлағаны белгілі» делінген баспасөз парағында.