Зырян қаласындағы № 11 орта мектептің жанында үшінші жыл қатарынан девиантты тәртіптегі балалар үшін «Белый замок» лагері жұмыс істейді, деп хабарлайды Аltaynews.kz тілшісі.
Лагерь жетекшісі, мектептің психолог маманы Екатерина Триханованың айтысына қарағанда, бұл жерде балғындарға арналған психологиялық тренингтер, викториналар, байқаулар, ойындар ұйымдастырылады. Педагогтар тәрбиеленушілеріне көбірек көңіл бөліп, мейірімділік пен төзімділік танытады. Сондан болар,
балақайлар сабақтарға қызығушылықпен қатысып, бір-бірлерімен және ересектермен қуана араласады. Олар қаладағы шағын бақтарды, саябақтарды тазалауға қолқабыс жасайды. Тренинг сабақтардың нәтижесінде олар үрей, қорқыныш сезімдерінен арылып, өздеріне сенімді болуға үйренеді екен.
"Ең маңыздысы, олар ашыла түседі, өз ойларын тұжырымдауға, болып жатқан оқиғаларға баға беруге тырысады. Бұл біз үшін де, олар үшін де үлкен жетістік", дейді психолог маман.
