Жарма ауданында үдемелі индустриялық-инновациялық даму бағдарламасы аясында жаңа кәсіпорындар салынып, өз өнімдерін өндіріп жатыр, деп хабарлайды Аltaynews.kz тілшісі.
«Қазақцемент» серіктестігінің Шар қаласы іргесіндегі зауыты «Сарытас» кен орнында ұнтақты сұрыптайтын қондырғылы кешенді орнату жұмыс-тарын қолға алды. Бүгінгі күні жалпы құны 150 миллион теңгені құрайтын өндірістік құжаттары дайындалып, соңғы пысықтаудан өткізілуде.
«ТЭК-Қазақстан» жауапкершілігі шектеулі серіктестігі өз қаражаты есебінен Шар қаласындағы жобалық құны 500 млн. теңгені құрайтын жанар-жағармай қоймасын қайта жарақтандыру жұмыстарын жалғастыруда. Қалбатау ауылындағы Георгиевка сорғы жабдықтары зауытының құю цехы технологиясын жетілдіру бағытындағы іс-шаралар жүзеге асырылуда. Цех толық қуатында іске қосылғанда 2015 жылы жоспарланған меже бойынша өнеркәсіп өнімінің көлемі 1,5 есеге ұлғаяды.
Сондай-ақ, «Жарма Проект ЛТД» жауапкершілігі шектеулі серіктестігі Қалбатауда құрылыс материалдары цехын жабдықтап жатыр.
Әлімжан Қадылбекұлы