7-маусым күні қалалық санитарлық-эпидемиологиялық қадағалау басқармасы шаһардың базарларында азық-түліктердің сапасын жедел зерттеуді жүргізеді, деп хабарлайды Аltaynews.kz тілшісі.

«Сапалы азық-түлік - дені сау халық» акциясының шеңберінде қаланың базарларында тұрғындарға кеңестік-түсіндіру жұмыстары жүргізіліп, азық-түліктердің сапасы жедел зерттеледі. Мысалы, ерте шыққан жеміс-жидектердің құрамында нитраттың бар-жоғы, сүт өнімдерінің қышқылдығы, балдың тазалығы анықталады.
Тексеру кез-келген тұтынушы мен сатушының өтініштері бойынша тегін жүргізіледі.