Семей қаласындағы № 2 балалар мен жасөспірімдердің спорт мектебінде шахматтан турнир ұйымдастырылды. Сайысқа 60 жастан асқан шахматшылар шақырылды , деп хабарлайды Altaynews.kz тілшісі.

Шараның ұйымдастырушылары – «Невада – Семей» ядролық жарылысқа қарсы халықаралық қозғалысы мен қалалық шахмат федерациясы.

Аталмыш турнир FIDE халықаралық ережелері бойынша өткізілді. Бірінші орынды білім беру жүйесінің ардагері Михаил Лукин жеңіп алды.

Екінші орынды энергетик-ардагер Владимир Степанов иеленсе, қауіпсіздік органдарының ардагері Владимир Александров үшінші орынға қол жеткізді.

Жеңімпаздар грамота және ақшалай сыйлықтармен марапатталды.

Ұйымдастырушылардың сөзіне сүйенсек, жаз айларында Семейде шахматтан халықаралық ашық турнир өткізу жоспарланған.