Славский жағалауы аумағында УАЗ автокөлігі 10 жасар баланы қағып кетті, деп хабарлайды Аltaynews.kz тілшісі. Дене жарақатын алған бала «Ана мен бала» орталығына жеткізілді.

Ал Рига көшесінде жолды кесіп, жүгіріп өтпек болған 7 жасар ұл баланы автокөлік қағып кеткен. Бірнеше дене жарақатымен бала ауруханаға түсті.

-Биылғы жылдың 10 айында ШҚО бойынша кәмелетке толмаған балалардың қатысуымен 114 жол оқиғасы болса, 11 бала апат орнында қаза тапты, деп хабарлады ШҚО жол полициясы басқармасының баспасөз қызметі. Ал 111 бала дене жарақаттарын алса, әр бесінші жол апаты балалардың кінәсінен болған. Сол себепті де көшелерді рұқсат етілген жерлерден өтіп, қыс уақыты көктайғақ кезінде аса мұқият болулары керек.