Шығыс Қазақстан облыстық ана мен бала орталығының бір топ дәрігері Күршім ауданында болып, балаларды тегін тексеруден өткізді. Жергілікті тұрғындар балаларын нақты сала мамандарына қарату мүмкіндігін кеңінен пайдаланды.

Көкпекті ауданы Теректі ауылдық округіндегі Хакім Мұхаметжанов «Жұмыспен қамту-2020» бағдарламасы аясында 1,5 миллион теңге несие алды. Қазіргі уақытта осы қаражатқа сатып алған қаз, тауық, үйрек балапандарын өсіріп жатыр. Кәсіпкер енді инкубатор сатып алып, құс етін өндіру цехын ашпақшы.

Зайсан ауданы Қарабұлақ ауылындағы Мәдениет үйі ғмимаратының ағымды жөндеу жұмыстары сапалы атқарылды. Бұл мақсатқа бюджеттен бөлінген 4 миллион теңгедан астам қаражатты игеру жұмыстарын Өскемен қаласының «Бағытұр» жауапкершілігі шектеулі серіктестігі жүргізді. Сондай-ақ ауылдағы көшелер жарықтандырылды.

Глубокое ауданы Зимовье ауылындағы жүйке аурулары әлеуметтік-медициналық мекемесінің жанынан 150 төсек-орындық жаңа ғимарат бой көтеріп келеді. Ғимаратты «Құмаров және К» жауапкерілігі шектеулі серіктестігінің ұжымы салып жатыр. Құрылысшылар бұл нысанды биыл желтоқсан айында толықтай бітіріп бермекші.

Катонқарағай мемлекеттік ұлттық табиғы паркі «Рахман қайнары» филиалының ұжымы өртенген орманның орнына 15 гектар жерге жас көшеттер отырғыды. Сондай-ақ осы орманды тазарту мақсатында ағаш қалдықтары отын ретінде жергілікті тұрғындарға тегін берілетін болды.

Өскеменнің «Востогы» өз алаңында Семейдің «Спартагын» қабылдады. Кездесу тең аяқталды. Өскемендіктерге осының өзі жеткілікті болатын. «Восток» еліміздің премьер-лигадағы командалардың қатарына бір жылғы үзілістен кейін қайта қосылды.