Зайсан аудандық медицина бірлестігі биыл республикалық бюджет есебінен құны 85 миллион 500 мың теңге тұратын «КамАЗ» автокөлігін сатып алды. Бұл көліктің басқалардан бір ерекшелігі – жылжымалы мамандандырылған медициналық кешенмен қамтылған.
Осындай заманауи кешеннің көмегімен зайсандық дәрігерлер халыққа қызмет көрсетуін Кеңсай ауылдық округінен бастады. Ауылдық дәрігерлік амбулаторияның алдына жиналған тұрғындармен кездескен аудандық медицина бірлестігінің директоры Жексенбай Тлеуберлин өзінің ізгі тілегін білдірді. Медициналық кешенде әр саланың дәрігер мамандары тұрғындарды қабылдап, дәрігерлік қызмет көрсетті. Осындай қызмет аудандағы барлық елді мекен тұрғындарына көрсетілуде.