Зырян ауданының медицина қызметкерлеріне бөлінген тіркемесі бар КамАЗ автокөлігіне орнатылған жылжымалы медициналық кешен (ЖМК) тек ауыл тұрғындарына ғана қызмет көрсетуін бастайды. Бұл туралы №1 медицина бірлестігінің жетекшісі хабарлады.
Ондағы мақсат – елудей елді мекендері бар, олардың көбісі шалғайда жатқандықтан ауданның тұрғындарын медициналық тексеруден өткізуді жең-ілдету. Себебі, ауыл жұртшылығы кәсіби медицина-лық көмекке зәру, ал қалаға барып емделуге жол алыс, қаражат қолбайлау және басқа да мәселелер кедергі келтіруде.
Қазіргі уақытта кешеннің ауылдарды аралау бағыты жоспарланып қойған. Айталық, ЖМК аппараты (УЗИ-аппарат, маммограф және басқа құрылғылар) реттелген соң, мамыр айынан бастап дәрігерлер өздерінің сауықтыру сапарына шықпақшы.
