Кеңес әскерлерінің Ауған жерінен шығарылғанына 23 жыл толуына орай облысымызда алуан түрлі шаралардың өткізіліп жатқаны белгілі.

Ұлан ауылының С.Аманжолов атындағы орта мектебінде оқушылардың патриоттық сезімдерін шыңдау бағытында «Ерлік – тәрбие жемісі» атты жоғарғы сынып оқушылары арасында ашық сабақ өтті.
Тәрбиелік мәні зор сабақты ұйымдастыру барысында взвод командирі М.Қуанышбаев оқушыларды сапқа тұрғызып, әскери тәртіпке сәйкес рапорт берді. Тарих пәні мұғалімі Е.Қайкенов алапат соғыс жайында баяндап, интернационалистік борышын өтеген азаматтар жайында айтып өтті. Оқушылар да Ауған соғысы төңірегіндегі өз ой-пікірлерін ортаға салып, көкейлерінде жүрген көптеген сауалдарға тұщымды жауаптар алды.