Алспорт сайты Геннадий Головкин мәнсабын аяқтағанға дейін жекпе-жекке шығуы тиіс боксшылардың тізімін шығарды.

1. Дэниэл ДЖЕЙКОБС

Джейкобс өткен демалыста ғана украиналық Сергей Деревянченконы жеңіп, IBF чемпиондық белбеуін иеленген болатын. Иә, ертеректе бұл белбеу Геннадийдің өзінде болған да еді...

НЕГЕ ОЛ?

Себебі, сол белбеу керек, біріншіден. Екіншіден, жерлесімізге тіс қайрап жүрген ол, енді бір кездессе, оңдырмайтындығын талай жерде айтып қалып жүр... Тағы бір ұстап алып, сазасын бермесе болмас.

2. Деметриус АНДРАДЕ

Жеңілмеген бұл Американдықтың Англиялық Билли Джо Сондерспен жұдырықтасу кейінге шегерілген еді. Тиым салынған заттарды қолданғандықтан.

НЕГЕ ОЛ?

Себебі, бұл жігітте кезінде Генаның абсолютті чемпион болуына жетпей тұрған WBO версиясы бойынша чемпиондық атақ бар.

3. Джермал ЧАРЛО

WBC версиясының қазіргі чемпионы Джермал 22 желтоқсанда Генаның бұрынғы қарсыласы Кіші Вилли Монромен жұдырықтасады.

НЕГЕ ОЛ?

Себебі, Гена туралы біраз нәрсе айтқан бұл жігіттен Әлгі белбеуді алу керек. Сөйтіп аузын жабу ләзім.

4. Хайме МУНГИЯ

Мексиканың Альварестен кейінгі бөлтірігі – осы Хайме. Жасы небәрі 22-де. Ол осы жасқа дейін 31 кездесу өткізіп, бір де бірінде жеңілмеген. 26-сы нокаут.

НЕГЕ ОЛ?

Себебі, мамыр айында Гена мен Альварестің жекпе-жегі кейінге шегерілгенде, отандасының орнына осы жас жігіт шығуға тіленген-ді. Бірақ спорт шенеуніктері жас жігітті аяп, оған рұқсат етпеген болатын.

5. Сауль АЛЬВАРЕС

...

НЕГЕ ОЛ?

Сол! Одан басқа айтатын ештеңе жоқ...