ҚР Президенті жанындағы Орталық коммуникациялар қызметінің ұйымдастыруымен мемлекеттік саясат пен қоғамның өзекті тақырыптарын талқылауға арналған подкаст іске қосылды. Бағдарламаның бірінші қонағы ретінде ішкі істер министрі Ержан Сәденов шақырылды. Басты тақырыптардың бірі ел дамуының негізгі қағидаты «Заң мен тәртіп» болды.

Оның айтуынша, бүгінде адамдардың мінез-құлқы өзгеріп, жауапкершілік артқан. Бұған көбінесе қоғамның өзі сеп болды.

Сонымен қатар Ержан Сәденов мектептің балаға тәрбие берудегі рөлін атап өтіп, мұғалімдер өз пәнін оқытып қана қоймай, патриотизмге де тәрбиелеуі керек екенін атап өтті.

Айта кетейік, ІІМ мәліметтері бойынша, соңғы 5 жылда халық саны 16 млн-нан 20 млн адамға жетсе де, биыл қылмыс деңгейі айтарлықтай төмендеген.