30 тамызға дейін облыс орталығындағы 16 аулада абаттандыру жұмыстары аяқталуы тиіс.

Абаттандыру жұмыстарымен танысу барысында қала әкімі Жақсылық Омар мердігерлер алдына осындай міндет қойды, деп хабарлайды Altaynews тілшісі.

Айта кету керек, қала әкімі кеше Гоголь көшесіндегі №31 үйдің және Шәкәрім даңғылындағы №176 үйдің аулаларына барды. Қазір ол жерде спорт және балалар алаңы жабдықталып жатыр.

Мердігерлердің айтуынша, келесі айдың соңында қажетті материалдар келіп, аулада шағын архитектуралық формалар орнатылады және жұмыстар толықтай аяқталады.

Ағымдағы жылы облыс орталығындағы Көкжал Барақ, 12/1, Геологическая 2,4,6, Қазақстан, 98/1 және 98/2, Лев Толстой, 15, 3, Буров, 12, Қабанбай батыр, 154, Шаяхметов, 24, Добролюбов, 45, 53, Астана, 12, 14, 14/1, Бажов, 494. Назарбаев даңғылы, 2, 64, Славский атындағы жағалау, 64 тұрғын үйлерінің ауласы абаттандырылатын болады.