Оқушылар қоршауларда салынған есірткі жарнамаларын өшірді - Өскемен
Фото: ШҚО ПД баспасөз қызметі
Өскемендік оқушылар қала көшелеріндегі қоршауларда салынған есірткі жарнамасы бар граффити суреттерді бояған.
Облыс ориалығындағы №13 орта мектебінің оқушылары есірткіге қарсылықтарын осылай білдіруді құп көріпті, деп хабарлайды Altaynews тілшісі.
Балалардың мұндай лайықты әрекетін назардан тыс қалдырмай, ШҚО ПД Есірткі қылмысына қарсы іс-қимыл басқармасының және Өскемен қ.ПБ Ертіс полиция бөлімінің қызметкерлері оқушыларды алғыс хаттармен және бағалы сыйлықтармен марапаттады.
- Құқық қорғау органдары оқушылармен профилактикалық әңгімелер өткізді. Тәртіп сақшылары балаларға тыйым салынған заттарды қолданудың зиянды салдарын түсіндіріп, есірткі жарнамалайтын сайттардың қауіптілігін ескертті, - дейді ШҚО ПД баспасөз қызметі.
ШҚО ПД облыс тұрғындары мен қонақтарынан есірткі жарнамасы бар граффити суреттерді немесе оны салумен айналысатын адамдарды көрсе 102 жедел арнасына хабарлауды сұрайды.
Оқи отырыңыз
