Өскеменде көше шамдары біртіндеп жөнеліп жатыр. ШҚО өңірлік мемлекеттік-жекешелік әріптестік орталығының хабарлауынша, осы жылдың 1 маусымында қалада 2077 шам жұмыс істемеген болатын.

Биылғы 1 мамырдан 1 қыркүйекке дейін Өскеменнің 428 көшесіндегі 4049 шам жөнделді, деп хабарлайды Altainews.kz тілшісі.

Бірінші кезекте мектептерге, ауруханаларға, мемлекеттік мекемелерге, яғни әлеуметтік объектілерге жақын жаяу жүргіншілер өткелдері жанындағы шамдар қалпына келтірілуде.

Бұған дейін басты міндет орталық көшелер мен әлеуметтік нысандар маңындағы шамдарды жөндеу болған. Қазір жеке сектор көшелеріне жіті назар аударылып отыр.