Елде қандай мамандар жетіспейді?
Фото: egemen.kz
ҚР Еңбек және халықты әлеуметтік қорғау вице-министрі Олжас Ордабаев елде қандай мамандар ең көп сұранысқа ие екенін айтып берді.
Дерекке сүйенсек, қазір жұмысшы кадрлар жетіспейді, деп хабарлайды Altaynews Kazinform агенттігіне сілтеме жасап.
Сонымен бірге, вице-министр бүгінгі форумда келешектегі экономика үшін кадрлар қалай дайындалатыны, халық үшін сапалы жұмыс орындары қалай құрылатыны, еңбек нарығының инфрақұрылымы қалай жұмыс істейтіні талқыланатынын атап өтті.
Айта кетейік, елордада «Өзгеріс дәуіріндегі еңбек нарығы: сын-тегеуріндер, жаңартулар және перспективалар» атты халықаралық конференция өтіп жатыр. Онда отандық және шетелдік сарапшылар әлемдік экономиканың қазіргі жағдайы мен перспективаларын, жаһандық еңбек нарығының даму үрдістерін, сапалы жұмыс орындарын құру мүмкіндіктерін және оларға бизнес-ортаның әсерін, техникалық және кәсіптік білім беру саласындағы қажетті өзгерістерді, сондай-ақ әлемде адами капиталды дамыту мәселелері талқыланады.