Орманды отағандар іздестіріледі – ШҚО
Аумақтық орман шаруашылығы және жануарлар дүниесі инспекциясының қызметкерлері заңсыз ағаш кесу фактісін тіркеді.
Оқиға орны – Ұлан ауданы, деп хабарлайды Altaynews тілшісі.
«Жоспардан тыс тексеру жүргізу кезінде Тарғын ауылдық округінің аумағында Тарғын өзенінің жағасынан ағаш түбірлері табылды», деп мәлімдеді инспекция.
Инспекция өкілдерінің айтуынша, заңсыз кесілген ағаштың көлемі 25,23 текше метр. Табиғатқа келтірілген залал 87 мың теңгеден асады.
«Материалдар Ұлан ауданының полиция бөліміне берілді», – деді инспекция.
Оқи отырыңыз
