2022 жылғы 24 ақпанда облыс әкімдігінің қаулысымен облыс елді мекендерінің (ЕМ) бас жоспарларын (даму және құрылыс сызбаларын) әзірлеу және түзету жөніндегі жол картасы қабылданды.

Соған сәйкес (облыс әкімдігінің 2023 жылғы 21 ақпандағы қаулысына сәйкес өзгерістермен) 2025 жылға дейін 163 перспективалы және маңызды ЕМ бас жоспарларын дамыту және салу жоспарлары мен сызбаларын әзірлеу және түзету жоспарланған  (2022 жылы – 7, 2023 жылы – 46, 2024 жылы – 58, 2025 жылы – 52), деп хабарлайды Altaynews.kz тілшісі.

Өңірлік коммуникациялар қызметінде өткен брифингте ШҚО жер қатынастары басқармасының басшысы Надежда Михейлис облыста 29 ауыл үшін бас жоспар әзірлеудің қажеті жоқтығын атап өтті. Себебі олардың болашағы жоқ, тұрғындар саны елуге де жетпейді.

Жалпы, өңірде 2023 жылы бекітілген Жол картасына сәйкес 46 елді мекеннің бас жоспарын әзірлеу қажет.

Бүгінгі таңда Жол картасының іс-шараларынан басқа 7 ЕМ-нің қала құрылысы жобаларын әзірлеп, түзету жүзеге асырылуда.

Оған сенсек, бизнестің әлеуметтік жауапкершілігі аясында жеке инвесторлар есебінен Шемонаиха ауданы Верх-Уба ауылының да бас жоспары дайын.