Риддерде үлкен жұлдыз түрінде қойылған алау жағылды
Фото: Ашық дереккөзден алынды
Жеңіс күніне орай Риддерде Иванов жотасынының баурайында жұлдыз жанды.
Бірнеше жылдан бері бастамашыл топ 9 мамырда жотада үлкен жұлдызды құрайтын алауды тұтатады. Биыл ұйымдастырушылар шараға дайындықты ерте бастап кеткен. Отшашу, алау жағуға қажетті ыдыстарды алдын ала сатып алған, деп хабарлайды Altaynews тілшісі.
Ұйымдастырушылар 7 мамыр күні екі сағаттық жолды көлік ауыстырып жүріп еңсеріп, діттеген жерге жеткен. Жотада қар әлі ерімеген. Ұйымдастырушылардың дерегіне сәйкес, биылғы жұлдыздың диаметрі 95 метрді құраған.
Алауды жағу дәстүр бойынша 9 мамыр күні сағат 20.40-та басталған.