Қырғызстанның астанасы Бішкекте қарызға байланысты Мәңгілік алауды өшіріп тастады.
«Қырғызстан астанасында 440 мың сом (9,2 мың АҚШ доллары шамасында) қарыз төлемегендіктен Мәңгілік алауды өшіріп тастады» деп мәлімдеді баспасөз мәслихатында «Қырғызгаз» ААҚ бас директоры Евгений Орленко. Бұл туралы ИА REGNUM хабарлайды.
«Бішкек мэрі Свердлов аудандық әкімшілігінің жыл жарым бойы төлемеген қарызын өтеуге міндеттенді. Жеңіс алаңындағы газдың өшірілуі бірінші рет емес. Егер ақша дер кезінде аударылса, онда газбен қамту қалпына келтіріледі» дейді Орленконың сөзіне сілтеме жасаған «24.kg» ақпарат агенттігі.
