Риддер қаласының әкімі болып Дәулет Батырбаев тағайындалды, деп хабарлайды Altaynews тілшісі.

Дәулет Бахитұлы 1976 жылы туған. Екі жоғары білімі бар. Шығыс Қазақстан облысының энергетика және тұрғын үй-коммуналдық шаруашылық басқармасын басқарған.

Сондай-ақ Ұлан, Бесқарағай аудандарын басқарып, кен өнеркәсібі кәсіпорындарында, мемлекеттік басқару органдарында тәжірибе жинақтаған. Қазақ, орыс, ағылшын тілдерін меңгерген.

Риддер қаласының әкімі қызметіне тағайындалмас бұрын «ШҚО өңірлік мемлекеттік-жекеменшік серіктестік орталығы» АҚ Басқарма төрағасы қызметін атқарды.