Осы күнге дейін 25-ші шағын ауданның тұрғындары қала іргесінде тұрғанына қарамастан интернетсіз отырған еді, деп хабарлайды Altainews.kz тілшісі. 

25-ші шағын аудан қаланың іргесінде тұрса да аудан тұрғындарына ұялы байланыс пен интернет желісі қолжетімсіз еді. Мұның себебі аудан жер бедері бойынша ойпатта орналасқан. Күні кеше ғана  25-ші  шағын аудан тұрғындарының интернет мәселесі шешілді. Ауданның алғашқы үш тұрғыны үйіне интернет желісін қостырды. 

Қазіргі кезде жұмыс та, сабақ та интернетпен тікелей байланысты болғандықтан, бұл ауданның тұрғындары интернетке мұқтаж еді. Тұрғындардың бұл мәселесі ШҚО цифрландыру және архивтер басқармасы және Өскемен қаласы әкімдігінің бірлескен жұмысының арқасында шешілді. 

Fast line талшықты-оптикалық интернет желісі қала шетіндегі 19, 20, 21, 22 және 23-ші шағын аудан тұрғындарына да қолжетімді. 

Айта кету керек, интернет желісін қостыру құны 10 мың теңге. Ал ай сайынғы төлем  тарифтеріне байланысты 3,5-7 мың теңге аралығында. 

Интернетті қостыру үшін Fastline.kz сайтына өтіп, өтінім қалдыру керек. 
 

Ақерке Рағызбаева

Видео: Ермек Жиенбеков
Фото: Нелли Петенева