ШҚО әкімімен кездескен риддерлік тұрғын желіде танымал болды
Фото: egemen.kz
Риддер тұрғыны Татьяна Морозова соңғы күндері интернет желісі мен отандық БАҚ-та ерекше танымалдылыққа ие болды.
Тұрғынның танымалдылығына ШҚО әкімі Ермек Көшербаевтың Риддер қаласына іссапары кезінде Татьяна Морозовамен кездейсоқ жолығып қалуы себеп болған, деп хабарлайды Altaynews тілшісі.
Тілшілер Татьяна Морозовадан әкіммен кездесуі несімен есте қалғанын және танымалдылығына қалай қарайтынын сұрады.
Тұрғын кездесу жайлы ойын білдіріп, әкімнің өз сөзін мұқият тыңдап, жауап бергенін жеткізді. Қазіргі таңда тұрғынды көшеде танып, амандасатын адамдар да кездесетін көрінеді.
– Білесіз бе, ол – адамды әңгімеге елітіп әкететін адам. Сондай тартымды ер адам. Сондай-ақ ол: «Әрине, автобус – маңызды мәселе. Әкімдіктегі транспорт мәселесімен айналысатындарға субсидия бөлу керектігін айттым. Қаланы қоғамдық көліксіз қалдыруға болмайды. Біреуде көлік бар болса, біреуде жоқ», – деді. Ол итеріп жіберген жоқ, «кешіріңіз, уақытым жоқ» деп айтпады. Маған, қарапайым зейнеткерге, назар аударды. Кеше көшеде өтіп бара жатқан адамдар менімен амандасып жатты. Интернетті бәрі оқиды ғой. Менімен амандасып жатыр. Әкімнің арқасында атағым шықты, – дейді Татьяна Морозова.
