Ұлан ауданында 500 тоннадан астам шөп өртенді
Фото: gov.kz
ШҚО Ұлан ауданында 500 тоннадан астам шөп өрнетіп кетті. Ашық алаңға жинап қойған шөп шаруа қожалықтарының біріне тиесілі болған.
Өрт сөндіруге ШҚО ТЖД-ның 10 қызметкері мен 3 техника, ЖАО-ның 4 қызметкері мен 3 техника жұмылдырылды, деп хабарлайды Altaynews тілшісі.
Қазіргі уақытта өрттің себебі анықталып жатыр.
ШҚО ТЖД мамандары көпжылдық мониторингтің нәтижесіне сүйене отырып, өрт тұтануына себеп болатын жағдайларды атады. Облыста жиі кездесетін себептердің қатарына техниканың өрт сөндіргіш құралдармен жабдықталмауы, жанғыш сұйықтықтардың ағуын елемеу сынды жағдайлар жатады.
– Рейд барысында инспекторлар нысандардың қызметкерлеріне ережені егжей-тегжей түсіндіріп, өрт қауіпсіздігіне қатысты ұсыныс айтады, өрт кезіндегі іс-қимыл ережелерін түсіндіріп, өрт сөндіру құралдарын қолдану тәсілін көрсетеді. Облыста 1800-ге жуық нұсқаулық өткізілген. Сонымен қатар, 230 жиын ұйымдастырылып, оған шаруа қожалықтарының өкілдері мен кәсіпкерлер қатысты, – деп жазылған шҚО ТЖД хабарламасында.
Оқи отырыңыз
