Бүгін облыс орталығының тұрғындары Республика күнін дүркіретіп тойлап жатыр. Тұрғындар таңғы сағат 9-дан бастап басты алаңға ағыла бастады.

Бұл жерде облыстың, қаланың шығармашылық ұжымдары мен қазақ эстрадасының жұлдыздары қатысқан «Жаса, Менің Қазақстаным!» атты күндізгі концерттік бағдарлама ұйымдастырылған, деп хабарлайды Altaynews тілшісі.

 
Спортқа құмар, күшін сынап көргісі келген адамдарға арнап армрестлинг алаңын құрған.

— Көңіл-күйім тамаша, бүгін күн райы салқын болса да концертке келдім. Ауа-райы мерекенің сәнін бұза алмайды. Осы күнді пайдаланып ел азаматтарына бақыт, денсаулық тілеймін. Тек жақсылық болсын! Ең бастысы — аспанымыз ашық, еліміз бейбіт болсын! - дейді қала тұрғыны Гүлтипа Қасықбаева.

Кешке қала тұрғындары мерекелік шаралардың жалғасын тамашалай алады. Дәлірек айтқанда, танымал әртіс Qanay өнер көрсетеді.

Мереке отшашумен аяқталады. Отшашуды 21:00-де алаңда көруге болады.