Шығысқазақстандық құтқарушылар ерекше акцияға қатысты – ШҚО
Шығысқазақстандық құтқарушылар балалардың қауіпсіздігі қамтамасыз ету мақсатында ерекше акцияға қатысты.
Күн ысыған уақытта көпқабатты пәтерде тұратын ата-аналардың жауапкершілігі арта түсері анық. Жазатайым оқиғалардың алдын алу үшін құтқарушылар терезелерге арнайы қорғаныс құрылғыларын орната бастады, деп хабарлайды Altainews.kz сайты.
құтқарушылар "Za Oknami_Oskemen" фирмасы ұсынған арнайы қорғаныс құрылғылары ата-ана болуға дайындалып отырған жас отбасылардың баспаналарына орнатылған.
- Күн ысып, үйде терезені ашқан уақытта балалардың қауіпсіздігін басты назарға алу керек. Акция барысында құрылғыларды орнатып қана қоймай, ата-аналарға балаларды назардан тыс қалдырмау керектігін тағы бір еске салдық. Қай уақытта да сақтық шаралары сақталуы тиіс. Сонда ғана жазатайым оқиғалардың алдын ала аламыз, - деді ШҚО ТЖД бастығының орынбасары Қуатбек Кенжебекұлы.
Сондай-ақ ШҚО ТЖД мамандары өңірдегі азаматтар мен түрлі ұйымдарды осындай акцияға жиі қатысуға шақырады.
Оқи отырыңыз
