ШҚО Полиция департаментінің әкімшілік полиция қызметкерлері «Жол активтері сапасының ұлттық орталығы» облыстық филиалының мамандарымен бірлесіп Д. Серікбаев атындағы ШҚТУ студенттерімен практикалық сабақтар өткізді, деп хабарлайды Altainews.kz тілшісі Polisia.kz порталына сілтеме жасап.

Тасымалдауды, қозғалысты және автокөлікті пайдалануды ұйымдастыру кафедрасының студенттері үшін автомобиль жолдарының жай-күйін бақылаудың заманауи әдістерін және оларға орнатылған реттеу құралдарын зерделеу бойынша дәріс өткізілді.

Полицейлер мен инженерлер сынақ құралдарының, жылжымалы зертхананың жұмыс тәртібін көрсетіп, жол белгілерін орнатуға қойылатын талаптар туралы айтты.

Студенттер Жол активтері сапасының ұлттық орталығы инженерлері мен тәртіп сақшыларына танымдық экскурсия үшін алғыс айтып, болашақта да осындай акцияларға қатысатындарына сенім білдірді.