Шығыс Қазақстан облысына қарасты Өскемен мен Зайсанның арасы 500 шақырым, ал Күршім, Катонқарағай, Марқакөл және Тарбағатай аудандарында одан да шалғай ауылдар бар. Ауыр науқас адамды орталыққа жеткізу немесе орман өртін сөндіру қажет болса,  көмекке тек тікұшақ келеді. Бұл туралы брифинг барысында қойылған сұрақтарға жауап берген ШҚО әкімі Ермек Көшербаев мәлім етті.

Негізінен, тікұшақтарды құтқарушылар, санавиация және полиция қызметкерлері қажет кезде қолданады. Тікұшақтар алғашқы медициналық көмек көрсетуге, адамдарды эвакуациялауға, өңірдің орман ресурстарын қорғауға арналған. Сонымен қатар, бұл әуе техникасының айырмашылығы – арнайы астфальтсыз алаңдарға қона алады.  Шамалы тегіс жер болса болды. Шығыс Қазақстанда МИ-8 тікұшағы бар, ол 10 тоннаға дейін жүк көтере алады. 

Ажар Мұратқызы