Шығыс Қазақстан облысында 2025 жылы 28 631 жаңа жұмыс орнын ашу жоспарланған. Оның 19 447-сі тұрақты, ал 9 184-і уақытша болмақ, деп хабарлайды Altainews.kz тілшісі. 

Облыстық жұмыспен қамту және әлеуметтік бағдарламаларды үйлестіру басқармасының басшысы Альмира Мусинова жұмыспен қамту саясаты жаңа деңгейге көтерілетінін атап өтті.

Мемлекет басшысының тапсырмасына сәйкес, 8 379 тұрақты жұмыс орны, ал өңір кәсіпорындарында 10 000 тұрақты жұмыс орны ашылмақ.

Сонымен қатар, 142 инфрақұрылымдық және инвестициялық жоба іске қосылып, 1 813 жаңа жұмыс орны құрылатын болады. Оның ішінде 436-сы тұрақты, 1 377-сі уақытша жұмыс орны.

Жұмыссыздық деңгейін төмендету мақсатында облыста инфрақұрылымдық жобаларға, шағын және орта бизнесті қолдауға басымдық берілмек.

Фото: Махаббат Ахметжанова