Күллі мұсылман жамағатына қуаныш сыйлаған айлардың патшасы, мың айдан да қадірлі, қасиетті Рамазан айының аяқталуына санаулы күндер қалды. Ендеше, Қадір түнін қарсы алатын сәт келді. Қадір түні хадистерге сәйкес, соңғы он күндегі тақ түндердің біріне тура келеді.

Қазақстан мұсылмандары діни басқармасы биыл бұл түнді наурыздың 26-нан 27-не қараған түніне белгіледі.

Асыл дінімізде Қадір түні жасаған ғибадат құлшылықтың сауабы мың айға, яғни, 83 жалға татитыны айтылған. Сондықтан бүгін жұрт Өскеменге өң беріп тұрған Халифа Алтай мешітіне  ағылды. Келушілердің қасиетті Рамазанға деген аңсары мен құрметінің көрінісі айқын білінеді. 

Бұл түнді мешітте, жамағатпен өткізудің сауабы мол. Имамдар Қадір түнін тазалықпен бастап, рухани дүниені байытатын кітаптар оқып, Жаратушыға дұға тілектер айтып өткізуге кеңес береді. Айтулы түні берілген садақаның сауабы да сан мәрте жоғары. 
Айта кету керек, жексенбі күні, яғни, 30 наурыз күні ШҚО бойынша таңғы 07:00-де Айт намазы оқылады.

Айдос Мырзахметов

Фото: Евгений Щетников