"Тазаөскемендіктер" жол шұңқырларын жөндеуге кірісті
«Таза Өскемен» кәсіпорнының қызметкерлері жолдардың шұңқырын бітеуге кірісті, деп хабарлайды Altainews.kz тілшісі.
Мамандардың айтуынша, бұл уақытша қол алынған шара.
- Шұңқырларды бітеу жолды жөндеудің қандай да бір технологиялық түріне жатпайды. Бұған қосымша бюджет қаражаты да бөлінбейді. Мамандар өткен маусымда жол жөндеу кезінде алынған асфальт пен пайдаланылған төсеніш фрагменттерінің қоспасын іске жаратады, - деп түсіндірді кәсіпорын өкілдері.
Қазіргі ауа температурасы жол жұмыстарын бастауға мүмкіндік бермейді. Мамандар көлік қозғалысы қауіпсіз болу үшін және жол одан сайын бүлінбес үшін уақытша осындай тәсіл қолданады.
Суреттер: "Таза Өскемен" КМК
Оқи отырыңыз
