«TOUR DE OSKEMEN-2024» деп аталатын әуесқойлар мен ардагерлер арасындағы веложарыс 8 қыркүйекте өтеді, деп хабарлайды Altainews.kz тілшісі.

Осыған байланысты кейбір жол учаскелері уақытша жабылады. Атап айтқанда, сағат 10.00-де Тас карьерінен (ескі полиция бекеті) шығатын бірінші топ «Алтай Альпісі» демалыс базасы – Северное – Ушанов – Шмелев лог – Қазақстан көшесі – Республика алаңы бағытымен жүреді.

Екінші топ сағат 14:00-де Тәуелсіздік монументі (Қазыбек би мен І. Есенберлин даңғылдарының қиылысы) – Есенберлин даңғылы – Ертіс көпірі – Пермитин көшесі – С.Нұрмағамбетов көшесі – Республика алаңы бағытында жолға шығады.