«Далаға шығу мүмкін емес. Балаларымыз ауырып жатыр». Өскемендіктер ауа сапасына шағынуда, деп хабарлайды Алтайньюс тілшісі.

Шаһар тұрғындары өз наразылықтарын «Instagram» желісіндегі түрлі пабликтарға жазып жатыр. Солардың бірі, «Uka__city_» тобына жарияланған.

-        Сыртқа шығу мүмкін емес. Түстен кейін қала іші қою түтінге оранды. Тамағымыз ауырып, балаларымыз жүрегім айныды, ішім ауырды дегенді жиі айтатын болды. Барлық шаруаларды ысырып, үйде отыруға тура келді, - дейді тұрғын.

Дәл осы жазбаға бес сағат ішінде «Өскеменнен көшу керек», «Бұл не сұмдық», «Басым ауырып, жүрегім айнып жүр» деген 175 пікір жазылған.