ШҚО-да жыл басынан бері мыңға тарта жас кәсіпкерлік курсынан өтті, деп хабарлайды Алтайньюс тілшісі.

 Олардың ішінен бизнес-жоспарларын сәтті қорғап шыққан 800-ден астам жасқа 500 мың теңгелік грант берілуі мүмкін.

«Жас кәсіпкер» оқуынан өткендердің қызықты жоспарлары көп-ақ. Бірі құлпынайды гидропоника, яғни топырақсыз, жасанды қоректендіргіш ортада өсіремін десе, екіншісі автокөлік орындықтарының тысын тігетін цех ашпақшы.

Зайсан ауданынан келген Жандос Қабдырасылов болса, ауыл халқына компьютер курсын жүргізбек.

– Қазір барлығы IT саласына көшіріліп жатыр. Десе де алыс ауылдардағы ағайынға арнайы курстар керек-ақ, – дейді болашақ кәсіпкер.