«Шығыс Ақпарат» медиахолдингі әлеуметтік желілерде онлайн-стриминг яғни үздіксіз тікелей таратылым жасап жатыр, деп хабарлайды Алтайньюс тілшісі.

Сайлау күнінде болып жатқан ШҚО-дағы барлық айтулы оқиғаларды аталмыш онлайн-стриминг арқылы Facebook және "Вконтакте" желілерінен көруге болады.

Жергілікті блогерлер мен белсенді желі қолданушылары жүргізіп жатқан эстафетаны Өскемен бастап, Семей қостап ары қарай Алтай және Аягөз қалалары іліп әкетті. Қазірдің өзінде эфирге өңіріміздегі 19 аудан мен қала қосылған. Айта кетерлігі бұл Қазақстандағы 10 сағат 40 минутқа созылатын ең ауқымды онлайн-стриминг болғандықтан Гиннесстің Рекордтар кітабына да енуі ғажап емес.

-Акция тікелей көрсетілім арқылы қазақстандықтардың сайлау күнін көрсетеді. Жастар аға буын өкілдері мен бірге дауыс беріп, жүргізушілерге өз пікірлерін жеткізеді. Әлеуметтік желілерді таңдап алуымыз да бекер емес. Қазыр негізгі электорат сонда,-дейді жобаны ұйымдастырушылардың бірі Елжан Қайырқанов.