Шемонаиха ауданында 28 жастағы жігіттің жоғалып кеткені туралы жазған едік. Бүгін оны іздеу жұмыстарының тоқтатылғаны белгілі болды, деп хабарлайды Алтайньюс тілшісі.

Жоғалған жігітің аты-жөні – Игілік Уәлиханов. Ол 22 мамыр күні, сағат 18.00 шамасында, өзінің туған күні қарсаңында үйден шығып кеткен. Сол кезден бері жігіт туралы еш хабар жоқ.

Кеше іздеу жұмыстарымен айналысып жүрген еріктілер тобына жігіттің ата-анасы хабарласып, оның қаза болғаны жайлы хабардар етіпті. Жігіттің денесі қашан және қайдан табылғаны, қандай жағдайда қаза болғаны туралы әзірше белгісіз.