ШҚО Жұмыспен қамту және әлеуметтік бағдарламаларды үйлестіру басқармасында – жаңа басшы, деп хабарлайды Алтайньюс тілшісі.

Облыс әкімінің орынбасары Әсем Нүсіпова бүгін аталмыш басқарма қызметкерлеріне жаңа басшыны таныстырды. Ол – бұрын Өскемен қалалық ішкі саясат бөлімінде жетекшілік еткен Ерболат Құмарқанұлы Ошақбаев.

Ерболат Құмарқанұлы Ошақбаев 1976 жылы бұрынғы Марқакөл ауданы Алексеевка ауылында туған. Отбасылы: үш баланың әкесі. Екі жоғарғы оқу орынды тәмамдаған.

Еңбек жолы 1996 жылы білім және мәдениет саласында қызмет етуден басталған.

2008-2012 жылдары ШҚО ішкі саясат департаментінде мемлекеттік емес ұйымдармен және жастармен жұмыс бөлімінде жұмыс істеген.

2012-2015 жылдары ШҚО жастар саясаты жөніндегі басқармада жетекші маман болды.

2015 жылдан бері қарай Өскемен қалалық ішкі саясат бөлімінде жетекшілік еткен.