Өскемендегі хайуанаттар бағына келушілерді боздаған бота дауысы шошытып бітті, деп хабарлайды Алтайньюс тілшісі.

Зообақ меңгерушісі Зайнетдин Шәмшиевтің сөзінше, бота енесінен айырылған екен. Алдағы уақытта басқа жерге ауыстырылады. Сондай-ақ шөп шақ келмейтін, асырауға тиімсіз үлкен түйелерді де алмастыру керек.

Мұнымен қатар зообаққа желтоқсанда жеткізілген бірқазандар да тойымсыз көрінеді. Оларға да жаңа мекен іздеу қажет... Бұл бірқазандар қыста Шүлбі су қоймасында мұз құрсауынан құтқарылған болатын. Ауыр күйде баққа жеткізілген.