Облыс орталығында «Сөйле» тілдесу үйірмесінің алғашқы сабағы өтті.

Оқуға 30-дан астам қала тұрғыны қатысты, деп хабарлайды Altaynews тілшісі.

«Сөйле» – қазақ тілін үйренемін деген азаматтарға арналған ақысыз үйірме. Жоба аясында ауызекі сөйлесу, оқу, жазу сынды бағдарламалар жүргізіледі.

Сондай-ақ үйірмеге қатысушылар коворкинг орталықтардың жұмысына, жоғары оқу орындарында өтетін домбыра үйірмелеріне, әдеби-рухани кештерге және түрлі челлендждерге белсене қатысады.